بعض المعلومات عن خشب المطبخ

عايزة أعمل مطبخ وسمعت إن فيه خامات كتيير ومحتارة أعمل أنهى خامة ؟؟

الخشب أحسن ولا الخامات الجديدة ؟؟

يعنى إيه أكليرك و قشرة ارو و poly lak و pvc ؟؟؟

إزاى أستلم المطبخ ؟؟

هل الإكسسوارات الداخلية للمطابخ زى المطبقية والتربو مهم للمطابخ ؟؟

ايه الفرق بين مجر ومفصلات السوق ومفصلات ومجر بلوم ؟؟

يعنى إيه مفصلة باكم ؟؟

إيه أفضل شكل او طريقة لوزر علب المطبخ ؟؟

بيكون فيه اسبتة قش فى المطابخ الخضار..منين اقدر اجيبها ؟؟

تقريبا دى من أكثر الأسئلة الشائعة فى بند المطابخ...

هاجاوب عليها وأحفظوا معايا..ولا ادعى لنفسى الفهم دونا عن من فى مجال

النجارة..فمعنا مهندسين وفنيين أفاضل نتعلم ونستفيد من خبراتهم...

اولا المطبخ بيتكون من علب علوية وعلب سفلية...خامة الدرفة هى ما يسمى المطبخ

بها..يعنى هتعمل مطبخ أرو يبقى الدرف أرو..هتعمل مطبخ اكليرك يبقى الدرف أكليرك وهكذا..

المطابخ إما خشب او الخامات الجديدة الأخرى و التى قد تبدو غريبة على مسامع البعض!!

الخشب اما ماسيف يعنى خشب شجر طبيعى لم يعاد تصنيعه وإما خامات اخرى زى الفنلندى والكونتر وفى الأغلب دول للدرف الفلات وبيكونوا ملزوقين قشرة أرو...

طيب الماسيف إللى هو خشب طبيعى فيه منه الأرو وفيه منه البيتش باين...

حد يقول طيب نعمل درفة زان هاقوله آسف..

الزان من الأخشاب إللى بتتأثر بالعوامل الجوية مهما كانت درجة تجفيفه..

نيجى للخامات الأخرى مثل البولى لاك والأكليرك والقشرة ارو و الـ pvc ...

الأكليرك مادة صلبة ذات ملمس زجاجى بألوان وأشكال مختلفة..لوح الأكليرك بيكون على mdf...ولما بيتم تقطيعه بيكون حرف الـ mdf ظاهر فلذلك بيتم لزق شريط من نفس اللون بخامة pvc ..

البولى لاك والـ قشرة ارو والـ pvc خامات أيضا بتكون على mdf وبيتم معاملتها معاملة الأكليرك...

الخامات دى كلها بتتميز بأشكال وألوان مختلفة منها نفس ألوان الأخشاب وقشرتها

والألوان المسمطة السادة.. والمقلم والمربعات المتداخلة...

وأحيانا رسومات كما فى الـ pvc ....الخامات دى كلها مقاومة للماء والحشرات

وعلشان حضرتك تفرق بينها لازم تتفرج على عينات من تلك الخامات علشان تقدر تحدد عايز تنفذ إيه فيهم.

كلمات البحث : بعض المعلومات عن خشب المطبخ _ مطابخ خشب – احدث مطابخ خشب – افضل مطابخ خشب – صور مطابخ خشب – سعر متر مطابخ خشب – مطبخ خشب – افضل مطبخ خشب – شركة مطابخ خشب – شركة مطابخ خشبية – اسعار مطابخ خشب